Frábær helgi að baki

Frábært keppnisferðalag er nú að baki hjá stelpunum. Margar voru í fyrsta sinn að gista á öðrum stað en hjá ættingjum eða nánum vinum. Fyrir margar var það stór þröskuldur en þær ráku ekki einu sinni tærnar í þessa hindrun. Flugu bara yfir. Innan vallar sem utan voru þær okkur þjálfurum, foreldrum sínum, félaginu og ekki síst sjálfum sér til sóma.

Öllum reglum fylgt út í ystu æsar og ekkert mál.

Ég er líka sannfærð um það að með okkur var ekkert meira né minna en landslið fararstjóra. Allt gekk 100% hjá þeim og þó að einhver( einn pabbi var með) eða einhverjar, hafi verið í fararstjórn í fyrsta sinn var það ekki að sjá. Öllu var reddað með brosi á vör, skera ávexti, taka allt liðið í hárgreiðslu, svæfa eða stjórna leikjum ekkert var þeim ofaukið.

Einnig hjálpuðu allir aðrir foreldrar sem komu til að hvetja, til og það var bara gaman.

Það er ekki vandamál að fara í keppnisferðalag með svona hóp.

Ég þakka innilega fyrir helgina, þið voruð alveg frábær.

kv.Kristín